FER bëri homazhe te varri i Presidentit Rugova

Partia Fryma e Re (FER), me rastin e pesë vjetorit të vdekjes, të premten ka bërë homazhe në nderim të Presidentit të ndjerë të Kosovës, Ibrahim Rugova.

“Në 5 vjetorin e vdekjes së Presidentit të nderuar, Dr. Ibrahim Rugova, shprehim nderimet tona më të thella për punën dhe veprat e figurës më unifikuese të kombit tonë. Presidenti Rugova me urtësinë dhe diturinë e tij, prej një lideri të vërtetë, ka qenë nismëtar i demokracisë së Republikës së Kosovës”, tha lideri i FER-it, Shpend Ahmeti.

“Është shqetësues fakti që sot, pesë vite pasi humbëm një figurë të nderuar siç ishte Presidenti Rugova, Kosova gjendet në një situatë jashtëzakonisht të rëndë politike në mungesë të një vullneti për të përparuar demokracinë në Kosovë dhe mesazhet e të ndjerit Dr Rugova”, tha Ahmeti.