Berisha, Ramës: “Do të gjesh vetëm atë që meriton banditi”

Tiranë, 23 janar - Kryeministri shqiptar deklaroi se sot do të mbledhë Parlamentin, me qëllim ngritjen e një komisioni hetimor për grushtin e shtetit. Në mbledhjen e jashtëzakonshme të qeverisë, Berisha paralajmëroi Ramën: “Po tentove më të rrethosh Kryeministrinë, do gjesh vetëm atë që meriton banditi”.
Njëkohësisht, Berisha tha se ka vendosur që manifestimi kundër dhunës, i paraparë të mbahet të mërkurën, të mbahet të shtunën. “Ta përgatisim edhe me festiv dhe më të bukur dhe për të mos ndërprerë punën”, tha kreu i qeverisë.
Kryesocialisti Edi Rama njoftoi sot nga Fieri, gjatë ceremonisë mortore të një prej viktimave të demonstratës se 21 janarit, se një protestë tjetër popullore do të mbahet më 28 janar në bulevardin “Dëshmorët e Kombit” në Tiranë.