Krokodili gëlltit celularin

Kiev, 23 janar – Të punësuarit në një akuarium në Ukrainë janë të shqetësuar për njërin nga krokodilët e tyre, i cili gëlltiti celularin, pasi i ra në ujë njërës nga vizitoret.
Ky krokodil 14-vjeçar afrikan, i quajtur Gena, nga muaji i kaluar, kur ndodhi fatkeqësia në Dnipropetrovsk, refuzon të hajë ndonjë gjë, transmeton BBC.
Derisa telefoni nuk filloi të cingërojë, punëtorët në akuarium nuk i besonin gruas, e cila deklaroi se celulari i kishte rënë në ujë dhe krokodili e kishte gëlltitur.
Gena, jo vetëm që refuzonte ushqimin, por lëvizte dhe notonte më pak.
Veterinari Oleksandr Shushlenko deklaroi se javën e ardhshme krokodili do të transferohet në klinikën për rrezet X dhe mund të operohet. Megjithatë, operimi do të jetë opsioni i fundit, pasi është i rrezikshëm edhe për kafshët edhe për veterinarët.
Vizitorja ka porositur se dëshiron t’i kthehet SIM kartela e saj, pasi në të ka shumë foto dhe kontakte.