Acer Aspire E100

Acer ka paraqitur netbookun Aspire E100 të dedikuar për shfrytëzim në qëllime edukimi. Kompjuteri është i bazuar në platformën e re Pine Trail të Intel, derisa vjen me ekran 10.1-inçësh.

Pesha e laptopit është rreth një kilogram, trashësia nuk kalon 24 milimetra, e shtëpiza pjesërisht e gomëzuar ofron mbrojtje nga goditjet. Është integruar një gigabajt memorie DDR3, disku prej 250-gigabajtësh, ndriçimi LED i prapavijës së ekranit si dhe kamera e uebit.

Kohëzgjatja e baterisë është deklaruar në tetë orë, e laptopi do të ofrohet me dy sisteme operative - Windows 7 e Android.

Së bashku me softuerin edukativ, Aspire E100 do të ofrohet edhe me garancinë trevjeçare.