Kina ndërton qytetin më të madh në botë

Pekin, 26 janar – Kinezët kanë dalë me një ide të çmendur. Dëshirojnë që nga 9 qytete të ndërtojnë një megaqytet, në të cilin do të jetojnë madje 42 milionë njerëz. Ky qytet do të jetë 26 herë më i madh se Londra.
Gjatë gjashtë vjetëve të ardhshme do të përpiqen të bashkojnë 9 qytetet, që do t’u kushtojë 190 miliardë sterlina, transmetojnë mediet britanike. Këto qytete së bashku përbëjnë një të dhjetën e ekonomisë kineze.
Iniciatorët e projektit besojnë se lidhja e qyteteve do t’i ndihmojë industrisë dhe do të zvogëlojë shkallën e papunësisë. Do të ndërtohen 29 linja hekurudhore, dhe besohet se me këtë do të zvogëlohen kostot e jetesës.
Akoma nuk dihet emri i megaqytetit.