RG7204, ilaçi që ngadalëson kancerin e lëkurës

Shkencëtarët kanë prodhuar një ilaç të ri, i cili ngadalëson përhapjen e kancerit të lëkurës. Sipas një lajmi të BBC-së, në eksperimentin e realizuar me mbi 680 të sëmurë në spitalin Royal Marsden në Londër, është testuar një ilaç i ri që lufton qelizat e këqija të kancerit. Bëhet e ditur se ilaçi është efektiv për të sëmurët me melanomë. Sipas studimit të pranuar nga ana e Vakëfit për Kërkim të Kancerit, akoma nuk është marrë licenca e ilaçit. Por, specialistët shpresojnë se eksperimenti do të ndikojë në ndryshimin e shpejtë të situatës, shkruan gazeta elektronike Start.
Duke pohuar se sëmundja e melanomës është një nga sëmundjet më të përhapura në grup moshat 15-34 vjeç në Angli, studiuesit thanë se mesatarja e këtij lloj kanceri po rritet më shpejt se llojet e tjera. Nëse kanceri diagnostikohet herët, mund të kurohet, por mundësia e shpëtimit është shumë e ulët nëse kanceri përhapet. Ilaçi i ri lufton gjenin BRAF, i cili nxit kancerin e keq. Ilaçi me emrin "RG7204" pengon këtë gjen dhe ndihmon në zvogëlimin e tumoreve deri në 70 për qind.