Vëllaznimi zyrtarizon Isajën e Gjerajn

Gjakovë, 28 janar - Vëllaznimi i Gjakovës të enjten ka arritur marrëveshje me sulmuesin Denis Isaja dhe mbrojtësin Robert Gjeraj. Këtë e ka bërë të ditur menaxheri i klubit gjakovar Ahmet Morina. Sipas Morinës, me Isajën e Gjerajn është arritur marrëveshje e vlefshme deri në fund të edicionit. Isaja e Gjeraj në vjeshtë luajtën për Ballkanin. "Sot (e enjte v.j.) kemi zyrtarizuar marrëveshjen me Denis Isajën dhe Robert Gjerajn. Jemi në kërkim edhe të një mesfushori. Situata në klub është përmirësuar. Kemi kryer obligimet ndaj futbollistëve, ndërsa stërvitjet i kemi nisur të mërkurën", ka thënë Morina.
Vëllaznimi u kishte dy rroga borxh lojtarëve. Për këtë arsye edhe stërvitjet filluan me vonesë. Nga kjo skuadër më herët janë larguar Virtyt Hashani dhe Dardan Rogova.