Ibrahimi drejt Ukrainës

Sulmuesi shqiptar Besart Ibrahimi pritet që karrierën ta vazhdojë në kampionatin e Ukrainës. Sipas "Alsat-m", Ibrahimi ka arritur marrëveshje me skuadrën Sevastopol. Bëhet e ditur se Ibrahimi ka firmosur për një vit e gjysmë me skuadrën që zë pozitën e parafundit në kampionatin e Ukrainës. Ibrahimi ditë më parë shkëputi kontratën me skuadrën e njohur gjermane, Schalke. Në vjeshtë ai luajti për ekipin e dytë. Skuadrës gjermane i ishte bashkuar në fillim të vitit të kaluar nga Renova e Maqedonisë. Ibrahimi ka disa paraqitje në përfaqësuesen e Maqedonisë. Sipas "alsat-m.tv", Ibrahimi në Ukrainë do të paguhet më shumë se në Gjermani.