Cerezo: Aguero mund të largohet për 60m euro

Presidenti i Atletico Madrid, Enrique Cerezo, ka pranuar se ai është i gatshëm ta shesë sulmuesin Sergio Aguero për shumën sa është e përcaktuar në klauzulë.
Argjentinasi është duke u kërkuar nga klubet më të mëdha evropiane, përfshirë Chelsea, Manchester United dhe Real Madrid.

“Nuk mendoj se Aguero do të largohet. Ende nuk kam marrë asnjë ofertë, dhe nëse ndonjëherë e shesim, kjo nuk do të ndodhë për më pak se klauzula e tij blerëse prej 60 milionë euro”, ka thënë Cerezo mbrëmë.