Birminghami i fortë për Cityn

Birminghami i rezistoi superfuqisë së Manchester Cityt, duke ndalur milionerët në një barazim me rezultat 2-2.

Carlos Tevez u tregua në formë të lartë në këtë takim pasi realizoi vetëm pas katër minutave lojë për 1-0. Por sulmuesi serb Nicola Zigic iu përgjigj me golin e barazimit (24’). Ishte edhe një serb tjetër që realizoi, pasi Aleksandar Kolarov kaloi në epërsi Manchester Cityn (41’).

Rezultatin 2-2 e vendosi Craig Gardner nga penaltia (77’), për t’i shkaktuar edhe më tej telashe Cityt në luftën për titull të kampionit në Ligën Premier.

Manchester City rrezikon tani pozitën e tretë me 46 pikë, tre më pak se Arsenali në pozitën e dytë dhe dy më shumë se Chelsea në pozitën e katërt.