Redknapp: Tottenhami mbi Arsenalin

Menaxheri i Tottenhamit, Harry Redknapp, beson se skuadra e tij mund të ngjitet mbi Arsenalin në fund të sezonit në tabelën e Ligës Premier, ndërsa shtoi se vetëm Chelsea dhe Manchester United kanë qëndrueshmërinë për ta fituar titullin.

“Mendoj se lufta për titull është ende e hapur. Manchester City është skuadër e mirë, por nuk është e pamundur, nuk është e pamundur për ne që të përfundojmë mbi Arsenalin. Është vështirë, por jo e pamundur. Kur të gjithë të jenë të gatshëm, kur të kthehen Bale dhe Modric, atëherë të gjithë mund të largohen nga rruga. Ne jemi ekip i mirë edhe pa ata, por ne jemi një ekip edhe më i mirë me ta, sepse ata janë lojtarët tanë më të mirë”.

“Arsenali dhe Manchester City kanë luajtur mirë. Unë nuk mund dhe nuk dua që t’i përjashtoj nga gara. Unë thjesht po them se nga të gjitha ekipet që janë në maje të tabelës, nëse arrijmë të hyjmë në top katërshe, atëherë janë këto dy ekipe të cilat do t’i tejkalojmë”.

“Do të jetë e vështirë, por nëse do ta bëjmë këtë, atëherë mendoj se do të jenë këto dy dhe jo Chelsea apo Manchester Unitedi. United ka qenë shumë i suksesshëm në janar. Ne kemi pasur ca barazime dhe është më vështirë ne. Por 10 pikë, nuk është dashur t’i jepen aq shumë pikë Unitedit”, ka thënë Redknapp për Mirror.