Milito: Kurrë nuk isha pranë Realit

Sulmuesi i Interit, Diego Milito, ka thënë se ai kurrë nuk ka qenë pranë një kalimi te Real Madridi, pasi ai nuk dëshiron të bashkohet me Jose Mourinhon derisa portugezi të rikthehet te Interi, sepse Milito e do Interin e jo Realin.

“A isha pranë largimit nga Interi gjatë verës? Jo, kurrë. Çfarë bëra kur lexova se Mourinho po më kërkonte te Reali? Është gjithnjë mirë për mua kur një trajner i rëndësishëm si Mourinho më kërkon te Real Madridi, por jam i lumtur te Interi”.

“Rikthimi i Mouinhos? Nuk e di nëse është e mundur. Për momentin ne kemi Leonardon dhe nuk është mirë të flasim për trajnerët tjerë te Interi. Por, kurrë mos thoni kurrë në futboll. Mourinho ishte për ne njeriu më i rëndësishëm dhe mendoj se dyert gjithnjë janë të hapura për të”, potencoi Milito për Il Corriere dello Sport. /