Një teshtimë mban dhomën të infektuar me orë

Londër, 10 shkurt - Nëse një person kollitet apo teshtin gjatë dimrit, ka një arsye për këtë. Shkencëtarët kanë zbuluar se nevojitet vetëm një teshtimë nga personi me grip që bakteret të shpërndahen në tërë hapësirën. Kontaminimi mund të zgjasë me orë.
Shkencëtarët kanë zbuluar që piklat e infektuara mikroskopike të cilat qiten jashtë me teshtimë dhe kollitje janë të mjaftueshme për t’u përhapur sëmundja. Inhalimi i grimcave virale në ordinancën mjekësore, në vend të punës, në aeroplan apo tren mund të shkaktojë infektimin pas vetëm një ore. Ky zbulim sugjeron që duhet të shmangen njerëzit në dhomat e pritjes nëpër spitale apo ordinanca sepse ekziston rreziku i madh nga sëmurja. Kjo shpjegon pse shumë njerëz shpesh sëmurën në fillim të pushimit, pas verës, në udhëtimet me autobus dhe ngjashëm.
Gripi kalon nga njeriu në njeri me kontakt fizik direkt, ose kur dikush teshtin apo kollitet. Shumica e hulumtimeve janë koncentruar tek aerosolet, pikat të cilat e bartin virusin përmes ajrit dhe të cilat shpejt bien në tokë dhe sipërfaqet përreth.
Shkencëtarët amerikanë kanë mbledhur mostrat e ajrit nga dhomat e pritjes nëpër klinika, në tri dhoma në çerdhe dhe tri fluturime ndërkombëtare. Gjysma e mostrave kanë përmbajtur virus të gripit. Ata kanë mësuar që një metër kub i ajrit përmban mesatarisht 16.000 grimca të virusit. Inhalimi i ajrit në hapësirat me koncentrim të tillë të viruseve mund të shkaktojë infektimin për vetëm një orë.
Rreziku mund të zvogëlohet dukshëm me ventilim, klimë (ajër të kondicionuar) dhe ajrosje. Me kollitje tipike qiten jashtë vrushkuj të gjatë 30 cm, së bashku me rreth 3.000 pikla të pështymës me shpejtësi prej 80 km/h.
Me teshtimë qiten jashtë rreth 40.000 pikla, nga të cilat disa prej tyre lëshojnë trupin me shpejtësi prej 160 km/h.