Refuzohen uniformat e ”korruptuara”

Rreth njëqind policë, pjesëtarë të Njësitit për Mbrojtje të Afërt refuzojnë t’i veshin uniformat e blera nga administrata e policisë.

Rreth njëqind policë, pjesëtarë të Njësitit për Mbrojtje të Afërt refuzojnë t’i veshin uniformat e blera nga administrata e policisë.Policët, që mbrojnë drejtuesit e shtetit dhe delegacionet e larta që vizitojnë Kosovën, këtë vendim e kanë marr, pasi janë të bindur se uniformat, përveç se nuk janë cilësore, ato janë paguar shumë shtrenjtë sa që e kanë vlerën.

Si rrjedhojë e “kokëfortësisë” së këtij njësiti, uniforma e tyre tash e disa muaj janë “stacionuar”, në një depo të policisë, prej ku pjesëtarët e këtij njësiti nuk e kanë ndërmend t’i tërheqin.

Burime të besueshme të gazetës Zëri brenda Njësitit për Mbrojtje të Afërt kanë thënë se pjesëtarët e këtij njësiti dyshojnë se gjatë procedurave të tenderimit dhe blerjes janë bërë shumë keqpërdorime, prandaj e refuzojnë uniformën e “korruptuar”.