Sony Ericsson prezanton modelin Xperia Neo

Pas lansimit të Xperia Play dhe Pro, Sony Ericsson gjithashtu ka njoftuar për lansimin e modelit tjetër Xperia Neo, për të cilin ju kemi paralajmëruar më parë.
Modeli i ri i telefonit të mençur - The Sony Ericsson Xperia Neo vjen me versionin e ri të sistemit operativ Android 2.3 Gingerbread.




Ky model posedon ekranin e ndjeshëm në prekje me 3.7 inç, 854 x 480 piksel, procesorin 1GHz Qualcomm Snapdragon, sensorin Exmor R si dhe portin për HDMI.

Specifikat tjera të modelit të ri Xperia Neo përfshijnë edhe Sony Bravia Engine, GPS, audio port për kufjet 3.5mm, dhe hapësirën e magazinimit me 8GB.

Ende nuk dihen detajet e çmimit të këtij modeli, mirëpo këto do të merren vesh gjatë muajit mars, kur edhe pritet lansimi i këtij telefoni në dyqanet e ndryshme në tërë botën. / Telegrafi /

Sony Ericsson Pro