Arrijnë përçuesit plastikë

Sydney, 1 mars - Shkencëtarët australianë nga Universiteti në New South Wales kanë arritur të krijojnë një polimeri plastik me karakteristika të përçuesit dhe superpërçuesit duke vendosur një shtresë të hollë metali në sipërfaqen e tij dhe më vonë duke e bombarduar me top jonik. Në këtë mënyrë fitohet plastikë përçuese e lirë, e qëndrueshme dhe fleksibile e cila mund të shfrytëzohet në të gjitha vendet ku shfrytëzohen përçuesit e zakonshëm, por që është më e lirë, posaçërisht krahasuar me bakrin të cilit çmimi po i rritet me ritëm marramendës. Përveç përçueshmërisë në temperaturë dhome, një polimeri i përpunuar në këtë mënyrë në temperatura shumë të ulëta tregon edhe veti të superpërçueshmërisë – nuk i bën kurrfarë rezistence kalimit apo përçimit të energjisë elektrike.
Për nevojat e testimit të këtij materiali të ri ekipi hulumtues në termometrat të cilët shfrytëzojnë rezistencën elektrike për matjen e temperaturës ka ndërruar sondat prej platine me këtë polimeri dhe thuhet se kanë pasur rezultate të ngjashme dhe madje edhe më precize.
Pasi që komponentja e rezistencës në këtë material të ri mund të përshtatet sipas nevojës apo dëshirës përdorimi potencial i tij është pothuajse i pakufishëm, posaçërisht në industrinë e gjysmëpërçuesve.