Havel krahason Gadafin me Millosheviqin

Pragë, 7 mars - Ish-presidenti i Çekisë, Vaclav Havel, i ka bërë thirrje bashkësisë ndërkombëtare që të nxjerrë mësime nga shkatërrimi i përgjakshëm i ish Jugosllavisë, dhe të mos e vonojë intervenimin ushtarak në Libi, siç e bëri në rastin e bombardimit të Serbisë, transmeton REL.
"Për Millosheviqin diskutohej katër vjet, por hezitimi nuk u shpagua. Përkundrazi, ai nxiti tmerre të panumërta. Ky është njëri nga mësimet e mëdha që do të duhej ta bëjë Perëndimin në rastin e Libisë të veprojë shpejt, pavarësisht që vendimi nuk do të ishte popullor", ka thënë Havel për gazetën çeke "Hospodarske Novine".
Havel ka theksuar se nga përvoja që ai ka, del se disa gjëra thjesht nuk mund të shtyhen, ndërsa liderin libian Moamar Gadafi e ka krahasuar me Sllobodan Millosheviqin.