Wenger konfirmon rikthimin e Lehmanit

Londër, 17 mars – Trajneri i Arsenalit, Arsene Wenger, ka konfirmuar se Jens Lehman do të kthehet nga pensioni dhe do të përforcojë “topxhinjtë” deri në fund të sezonit.
Problemet me portierët detyruan Wengerin të lusë Lehmanin 41-vjeçar që përkohësisht të ndërpresë pensionimin dhe t’i bëjë konkurrencë portierit të vetëm të shëndoshë, Manuel Almunia.
Gjermani është larguar nga Londra më 2008 dhe dy vjet ka mbrojtur për Stuttgartin, para se të pensionohej dhe të fillonte punën për mediet lokale.