Kërcen nga 11 metra në pishinën me vetëm 30 cm ujë (video)

Denver, 17 mars - Të kërcesh nga 11 metra lartësi në ujë vërtetë është e frikshme, por paramendoni të kërceni nga ajo lartësi në një pishinë gome për fëmijë e mbushur vetëm 30 cm ujë. Këtë e bëri Darren Taylor, i njohur edhe si "Professor Splash" duke thyer edhe rekordin e tij personal dhe për të 13 herë u regjistrua në librin e rekordeve Guinness.

Professor Splash me kërcimin në lluca të tilla merret prej vitit 1983 dhe thotë se di sekretet e një teknike të veçantë e cila i mundëson që të kërcejë mirë dhe të mos lëndohet kur përplaset në pishinë e cila ka shumë pak ujë, transmeton MIA.

Shkathtësitë e tij i demonstroi kohë më parë në Trondheim në Norvegji dhe me kërcimin nga 11 metra në një pishinë për fëmijë vendosi rekordin e ri. Taylor i cili është nga Denveri në Colorado, konsiderohet si njëri nga kërcyesit më të mirë në botë në kategorinë e tillë. Taylor sot udhëton nëpër botë, duke prezantuar dhuntitë e tij dhe duke thyer rekordet e vendosura nga vetë ai.