Majmunët dallojnë shokët në fotografi

Primatët e rritur janë në gjendje të dallojnë shokët e tyre nga fotografitë, zbuloi një eksperiment shkencor i publikuar në revistën “Animal Cognition”.

Në këtë eksperiment, një specie e pastërvitur e një majmuni të zhvilluar, të llojit “macaques”, arriti që në fotografi të dallonte majmunët që ai i njihte në jetën reale.

Kjo është një dëshmi më shumë për aftësitë e jashtëzakonshme mendore që zotërojnë disa primatë.

Në testin e kryer me majmunë të rinj të kësaj specie, ata nuk reagojnë si të rriturit, pasi entuziazmohen nga ngjyrat dhe nuk i kushtojnë shumë vëmendje vetë thelbit të imazhit, transmeton TCH.

Ky zbulim tregon edhe se primatët mësojnë nëpërmjet eksperiencave të tyre jetësore, në mënyrë të ngjashme si njerëzit, ndërsa me moshën fitojnë edhe aftësi të tjera që nuk i kanë në moshë të re.