Doli në 700 takime të aranzhuara por mbeti pa kësmet

Anëtari i partisë komuniste kineze Zhang Xuyang me prejardhje nga provinca Henan, njihet edhe si “mbreti kinez i takimeve” sepse deri më tash ka dalë në 700 takime të aranzhuara dhe ende është i vetmuar.
Xuyang thotë se të gjitha femrave ju intereson vetëm një gjë, sa para fiton dhe nëse ka shtëpi e makinë.
Por nuk është vetëm Xuyang që ende “s’i ka dalë kësmeti”. Shumë kinezë vuajnë për shkak të shtimit të pasanikëve në vend dhe numrit të vogël të femrave.

Përveç se rrëfeu në televizion problemin e tij, Xuyang hapi edhe një faqe interneti të cilën deri më tash e vizituan qindra mijëra njerëz.

Xuyang momentalisht është duke shkruar autobiografinë dhe shpreson se do të grumbullojë para të mjaftueshme për ta hapur shkollën e mirësjelljes, ku meshkuj e femra do të mund të mësojnë se si të sillen njëri ndaj tjetrit me respekt. Deri më tash për ta arritur këtë qëllim pengesa kryesore ka qenë mungesa e famës. /Telegrafi/