Euro 2012, Rumania shënon fitoren e parë

Bukuresht, 30 mars - Rumania mposhti 3-1 Luksemburgun në ndeshjen e vlefshme për grupin D të eliminatorëve të Euro 2012, grup ku bën pjesë edhe kombëtarja jonë.
Megjithëse, miqtë modestë kaluan të parët në avantazh në minutën e 22 me Gerson, rumunët përmbysën gjithçka. Fillimisht Mutu shënoi në minutën e 24 golin që mbylli në barazim pjesën e parë të takimit.

Në pjesën e dytë sërish Mutu gjen rrjetën duke kaluar në avantazh skuadrën e tij në minutën e 68. Dhjetë minuta më vonë, Zicu shënon golin e tretë, gol ky që vulos gjithçka, Rumania siguron fitoren e parë në këto eleminatore pas 2 humbjeve e 2 barazimeve, njërin me kombëtaren tonë.

Megjithatë, renditja në grupin D nuk ndryshon, Franca udhëheq me 12 pikë e ndjekur nga Bjellorusia e Shqipëria me nga 8 pikë, Bosnja 7, Rumania 5 dhe Luksemburgu 0, transmeton TCH.

Në grupin A, Turqia mposhti në fushën e saj me rezultatin 2-0 Austrinë, ndërsa Belgjika shkatërroi 4-1 Azerbajxhanin.

U mbyllën në barazim, të dyja takimet e së martës të grupit C. Estonia barazoi me Serbinë 1-1 dhe Irlanda e Veriut me Slloveninë 0-0.

Holanda shkatërroi 5-3 Hungarinë në ndeshjen e vlefshme për grupin E. Për tulipanët shënoi 2 herë Kajt, 1 Van Persi, 1 Shnajder, 1 Van Nistelroi. Ndërsa Suedia fitoi 2-1 ndaj Moldavisë në ndeshjen tjetër të këtij grupi.

Ndeshja e vetme e grupit F, Izrael-Gjeorgji u fitua nga vendasit 1-0, ndërsa në grupin I Republika Ceke mundi 2-0 Lihtenshteinin dhe Spanja fitoi në transfertë ndaj Lituanisë 1-3.

Grupi D:

1. Franca 5 4 0 1 8:1 12
2. Bjellorusia 5 2 2 1 3:1 8
3. Shqipëria 5 2 2 1 4:4 8
4. BeH 4 2 1 1 6:4 7
5. Rumunia 5 1 2 2 5:6 5
6. Luksemburgu 6 0 1 5 1:11 1