Dymbëdhjetëvjeçari tashmë punon në teorinë e vet të relativitetit

Londër, 30 mars - Djaloshi Jake Barnett (12) studion në Universitetin Indiana ku profesorët tashmë janë duke e përgatitur për doktoraturë.
Ka koeficient të inteligjencës më të lartë se Albert Einstein. Ka mësuar llogaritjen, algjebrën, gjeometrinë, dhe trigonometrinë për shtatë ditë dhe tani i mëson studentët e tjerë, shkruan “Daily Mail”.
Djaloshi gjeni tani supozohet që është duke e zgjeruar teorinë e relativitetit. Nëna e tij, edhe pse duke mos qenë as vetë e sigurt nëse këto janë marrëzira apo djalin e ka gjeni, ka dërguar një incizim të teorisë së tij në Institutin për studime të avancuara. Profesor Scott Tremaine ka pohuar origjinalitetin e teorisë. “Është e pabesueshme që është aq i ri dhe ka përparuar aq shumë në fizikë. Problemet që ai i zgjidh janë disa nga më të vështirat në fizikë dhe astrofizikë. Kush i zgjidh ato mund të shpresojë për shpërblimin e Nobelit”, ka shkruar Tremaine në email.
Nëna e tij, Kristine Barnett (36) thotë se si “fijen” për matematikë nuk e ka trashëguar nga ajo.
Jake nuk ka folur deri në moshën e tij dyvjeçare. Mjekët i kanë diagnostikuar formë të lehtë të autizmit, sindromën e Aspergerit, e cila manifestohet me interaktivitet të zvogëluar social. Me kohë prindërit kanë kuptuar se si në fakt fëmija ka dhunti. Me tre vjet ka zgjidhur enigma mozaiqe me 5000 copa (puzzle).
Me tetë vjet ka lënë shkollën dhe ka shkuar të studiojë astrofizikën. Edhe pse në fillim kolegët e kanë shikuar në mënyrë të çuditshme, tani të gjithë vijnë te ai dhe e lusin për ndihmë në detyra. Gjeniu i vogël ka probleme me gjumin, sepse në kokë i sillen përherë numrat.

~Sa miree ti kisha pas mend e tij vetem per 1 dite :)