Të enjten votohet buxheti

Kryesia e Kuvendit të Republikës së Kosovës ka vendosur të martën që pas leximit të parë, projektbuxheti të jetë në rendin e ditës të seancës së 31 marsit.
Pas miratimit të projektbuxhetit nga Qeveria e Kosovës, ai ka kaluar edhe leximin e parë në Kuvend javën e kaluar. Buxheti do të jetë për votim në seancën e së enjtes.

Me këtë projektbuxhet janë paraparë edhe rritja pagave nga 30 deri në 50 për qind, për disa kategori.
Buxheti për ketë vit, i paraparë nga Qeveria e Kosovës do të jetë 1 miliard e 434 milionë euro, apo rreth 19.3 për qind më i lartë se i viti 2010.

Deputetët e opozitës seancën e kaluar kanë kërkuar që të hiqet neni 4 nga Projektbuxheti për vitin 2011 sepse me të parashihet shitja e Postë-Telekomit të Kosovës./Telegrafi/