Trapattoni: Milani duhet ta mposhtë Interin

Trapattoni: Milani duhet ta mposhtë Interin

Përzgjedhësi i kombëtares së Irlandës në futboll, Giovanni Trapattoni, beson se Milani do ta fitojë Skudeton, por së pari duhet ta mposhtë Interin.
“Më pëlqen Max Allegri. Ai ka qenë një befasi e mrekullueshme. Gjatë verës çdokush ishte i bindur se ai do të luajë me pesë ose gjashtë sulmues për ta bërë Berlusconin të lumtur. Në vend të saj, Allegri ka ndryshuar mentalitet e Milanit. Ai i ka bindur kampionët e tij se gjëja e parë që duhet bërë është ta fitojnë topin dhe pastaj të përpiqen dhe ta dërgojnë atë në rrjet”, ka thënë ish-trajneri i Milanit dhe Interit.

“Një ekip i palogjikshëm përnjëherë është bërë rival për titull falë tre fjalëve: shpirti i sakrificës. Le ta themi kështu. Këtë herë Milan-Inter duket si një ndeshje e Ligës së Kampionëve”.

“Nëse Milani dëshiron ta fitojë Skudetton ata duhet ta ndalojnë Interin tash në derbi. Nëse Leonardo e tejkalon Milanin, gara për titull ka mbaruar. Nerazzurët do të bëhen si ata aeroplanët ajror amerikan të cilët fitojnë të gjitha ndeshjet. I pakundërshtueshëm”, ka thënë Trapattoni. /Telegrafi/