Bayerni përgatit 60 milionë euro për përforcime

Berlin, 31 mars – Trajneri gjerman, Jupp Heynckes, kur të marrë drejtimin e Bayernit do të ketë në dispozicion 60 milionë euro nga buxheti i klubit për përforcime para sezonit të ardhshëm, transmeton “Bild”.
Bayerni është i interesuar për holandezin Gregory van der Wiel, Gerome Boateng dhe Dimitry Berbatov, si dhe portierin e tanishëm të Schalke 04, Manuel Neuer.
“Do të shpenzojmë sa të jetë e nevojshme”, ka thënë presidenti i Bayernit, Uli Hoenes.
Bayern aktualisht është në vendin e katërt në tabelë me 14 pikë më pak se lideri Borussia Dortmund.