Curri: Besoj në kualifikimin e Shqipërisë

Mbrojtësi i kombëtares shqiptare, kosovari Debatik Curri ka thënë për mediat shqiptare se pas fitores së Shqipërisë kundër Bjellorusisë, janë rritur gjasat e kuqezinjve për kualifikim në evropianin e ardhshëm që mbahet në Poloni dhe në Ukrainë.
“Nëse do të luajmë edhe në ndeshjet e ardhshme sikurse ndaj Bjellorusisë, atëherë kemi gjasa të kualifikohemi për në evropianin e ardhshëm. Kundër Bjellorusisë, ekipi shqiptar ka zhvilluar lojë mjaft të mirë. Një lojë të tillë duhet ta zhvillojmë edhe në ndeshjet e radhës, në mënyrë që të mbajmë shpresa për kualifikim”, ka thënë Curri.
Ai pak ditë më pare i është rikthyer stërvitjeve më skuadrën e tij pas lëndimit të pësuar në vitin e kaluar.
“Po ndihem mirë. Tash kam nisur stërvitjet më skuadrën time, Gencilbirlig dhe besoj se brenda dy javë do t’i kthehem terrenit”, ka thënë Curri.
Ai tha se do të jetë në ekipin kombëtar në ndeshjen e radhës ndaj Bosnjës që është në program të luhet më 7 qershor.