Tifozët e Realit kundër Mourinhos

Madrid, 29 prill - Duket se portugezi Jose Mourinho po e humbet besimin edhe tek tifozët e Real Madridit. Pasi njihet si një trajner më një gjuhë të ashpër, tashmë problem tjetër për Mourinhon do jenë edhe vet tifozët e Realit, pasi ata kanë vendosur që t’i thonë “Boll ma” kësaj loje që po e luan portugezi, sepse nuk ka mbetur vend e skuadër pa u kacafytur.

Shumë njerëz me emër në botën e futbollit nuk e pëlqejnë këtë stil të Mourinhos dhe mendojnë se portugezi, me stilin e tij provokues, është duke ia humbur imazhin që kishte Reali në Evropë dhe botë.

Gazeta madrilene “Marca”, e afërt me Realin e Madridit, ka organizuar një sondazh me pyetjen “'A ka të drejtë Mourinho kur thotë se Barça ndihmohet nga gjyqtarët?”.

Dhe besoni a jo, 71 për qind (mbi 52 012 tifozë) e të anketuarve janë përgjigjur me “JO”, kurse vetëm 28,1 për qind (20 343 tifozë) e kanë përkrahur Mourinhon.

Me këtë sondazh, sipas kësaj të përditshmeje, Jose Mourinho hap pas hapi është duke humbur besimin edhe tek vet tifozët e “Los Blancos” dhe duket se largimi i tij nga Spanja mund të jetë më i shpejtë se që pritet, transmeton Indeksonline.