U betua se nuk do ta hiqte mjekrën pa e vrarë Bin Ladenin

Mësuesi amerikan Gary Weddle (50) u betua pas 11 shtatorit 2001 se nuk do ta rruante mjekrën derisa ta kapin Osama Bin Ladenin. Nuk e priste se kjo do të zgjaste 10 vjet.
Gary nga Ephrate në Washington pas betimit mendonte se terroristi më i kërkuar në botë do të kapej brenda disa muajsh, por kurrë nuk i kishte shkuar në mend se kjo do të zgjaste dhjetë vjet.

Edhe pse e tërë Amerika të hënën iu gëzua lajmit për vrasjen e tij, duket se Gary u gëzua më së tepërmi. Më në fund vendosi ta hiqte mjekrën e cila i mbërrinte deri tek gjoksi. Si për ironi me mjekrën e madhe ai i përngjante më shumë Bin Ladenit.

“Pesë minutat e parë kam qarë, e pastaj e kam marrë zhiletin dhe e kam hequr mjekrën menjëherë”, tha Gary, ndërsa gruaja e tij Donita është e lumtur që sërish ka mundësi ta shohë fytyrën bashkëshortit të saj. /Telegrafi/