Në QKUK ka mungesë të insulinave

Në Kosovë përsëri ka mungesë të insulinave. Ministri i
Shëndetësisë, Ferid Agani, thotë se problemi qëndron te menaxhimi i
dobët, përkatësisht për shkak të vonesave të prokurimit. Për pasojë,
pacientët që vuajnë nga diabeti janë të shtyrë që t`i sigurojnë barnat,
varësisht nga xhepi i tyre.Pacientet që vuajnë nga sëmundja e
diabetit, shpeshherë përballen me mungesë të insulinave. Njëri nga ta
tha për Radion Blue Sky se kur mungon mbështetja nga shteti shpenzimet
janë të mëdha.
Ministri Agani arsyetohet se është duke punuar për kapërcimin e kësaj situate, por çështja nuk është e lehtë.
“Tash ne jemi në kurthin e procedurave ligjore të prokurimit dhe në
anën tjetër nevojave të qytetarëve për këtë preparat. Prandaj, asgjë me
tepër nuk mund të ju them, por në baza ditore jam i interesuar që ky
problem të tejkalohet sa më shpejt. Problemi është te planifikimi i
dobët i insulinës dhe procedurat shumë të vonuara të prokurimit dhe në
këtë drejtim kërkohet edhe ndryshimi i ligjit të prokurimit”, thotë
Agani. /rtk/