Shtatgjatësia dhe mpiksja e gjakut

Dihet se mbipesha është një faktor i rrezikshëm për krijimin e grimcave ose mpiksje të gjakut. Por tani thuhet se edhe shtatlartësia mund të jetë një tjetër faktor.
Autorët e studimit mblodhën të dhëna nga më shumë se 26 mijë burra për gati 13 vjet. Për këtë studim u përzgjodhën burra të gjatë 1 metër e 80 cm dhe të shkurtër 1 metër e 60 cm. Gratë ishin të gjata 1 metër e 70 cm, ndërsa ato shtatshkurtra 1 metër e 50 cm. Gjithashtu mes pjesëmarrësve kishte mbi peshë dhe me peshë normale trupore.
Studiuesit zbuluan se burrat shtatlartë me peshë normale ishin 2 herë e gjysmë më në rrezik të prekeshin nga mpiksja e gjakut, në krahasim me burrat shtatshkurtër. Por tek gratë shtatlarte ky rrezik nuk ishte më i madh në krahasim me gratë shtatshkurtra, përderisa të gjitha kishin peshë trupore normale.
Megjithatë, rreziku për mpiksje gjaku shtohej për çdo grup, pavarësisht nga shtatlartësia apo gjinia, nëse ishin mbi peshë.
Studimi u krye nga shkencëtarë të Universitetit Tromso në Norvegji./VoA/telegrafi/