Beograd, familjes Dulaj i rrëzohet shtëpia me buldozer

20 persona të panjohur, me ndihmën e buldozerit dhe pa asnjë dokument, vendim të organeve kompetente dhe pa prezencën e policisë, e kanë rrëzuar shtëpinë e familjes Dulaj në Zemun, ka njoftuar sot Qendra për të Drejta të Minoriteteve, raporton gazeta “Politika”.

Shtëpia në rrugën “Udha Ushtarake”, numër 60, blloku II, është rrafshuar me tokë, ndërsa gjërat personale dhe mobilet janë mbuluar me dhe.

Sead Dulaj dhe nëna e tij, që kanë bërë përpikej të pengojnë rrënimin, personat flokëshkurtër kanë penguar t’i afrohen shtëpisë. Në momentin e rrënimit askush nga anëtarët e familjes nuk ka qenë brenda, kështu që nuk ka pasur të lënduar.

“Rrënimi i shtëpisë është vepër e personit me të cilin familja jonë ka një kontest rreth pronës dhe i cili thotë se e ka blerë gjatë vitit të kaluar”, ka thënë Sead Dulaj, njofton Koha.

Ai ka theksuar se këtë shtëpinë e ka ndërtuar gjyshi i tij më 1964, dhe se ata këtu kanë jetuar deri në nëntorin e vitit të kaluar, kur në shtëpi është hedhur një bombë. “Pas kësaj, na është djegur automobili në garazh, dhe të gjitha këtë vepër e ka bërë një person i cili do që ne të shpërngulemi”, ka thënë Dulaj. /Telegrafi/