Printeri më i vogël 3D

Printerët, të cilët mund të prodhojnë objekte 3 dimensionale, kanë qenë në dispozicion për vite. Megjithatë, në Universitetin e Teknologjisë në Vjenë tani është zhvilluar një pajisje printimi, e cila është shumë më e vogël, më e lehtë dhe më e lirë se printerët e zakonshëm 3D. Me këtë lloj printeri të gjithë mund të riprodhojnë objekte të vogla 3D në shtëpi, duke përdorur plane ndërtimi nga interneti dhe kështu mund të kursejnë para për pjesë të shtrenjta rezervë të cilat merren vetëm me porosi.Disa fusha shkencore janë bashkuar, për të dizajnuar këtë printer 3D. Pajisja është realizuar nga inxhinierët mekanikë në grupin e kërkimit të profesorit Jurgen Stampfl, por edhe kërkimet kimike nga ekipi i profesor Robert Liska ishin me rëndësi vendimtare.
Inxhinierët po përdorin të njëjtën teknologji për këto printera 3D: një rrëshirë sintetike, e cila forcohet kur goditet nga një rreze, por ky printer i vogël 3D përdor rreze drite me trashësi sa 1/20 e milimetrit, gjë që i jep atij mundësinë për të printuar gjëra me më shumë hollësi. Printerët 3D janë makineri tipike “përbindësha”, që mund të printojnë gjëra të tilla si shtëpi, makina dhe topa titani. Printeri 3D më i vogli në botë nuk mund të bëjë asnjërën nga këto, por mund të jetë më i dobishëm se çdo printer tjetër 3D. Printeri i vogël 3D vjen me një çmim prej 1700 dollarësh.