Pagat: SBASHK-u i jep afat Qeverisë - deri më 27 maj

**WebMaster** **Postime** : 9044

Deklaratat publike të ministrit të Ekonomisë dhe Financave, Bedri
Hamza, lidhur me çështjen e dhënies a mosdhënies së ndryshimit të
rritjes së pagave për muajt janar e shkurt të këtij viti, ka bërë që me
kërkesën e anëtarësisë nëpër komuna të Kosovës të ftohet mbledhja e
jashtëzakonshme e Këshillit të Përgjithshëm të SBASHK-ut.
Anëtarët e
këtij këshilli, duke prezantuar opinionet nga baza e tyre, kanë
theksuar se është shtuar pakënaqësia mes mësimdhënësve për shkak të mos
zbatimit të plotë të Marrëveshjes mes Qeverisë dhe SBASHK-u të datës 6
janar 2011, lidhur me ngritjen e pagave, gjegjësisht dhënien
retroaktive nga 1 janari i këtij viti. Këshilli i Përgjithshëm ka
autorizuar kryetarin e SBASHK-ut dhe Kryesinë që të takohen sa më shpejt
me kryeministrin e vendit, me qëllim të implementimit të vendimit të
Qeverisë lidhur me këtë çështje.
Këshilli i Përgjithshëm po ashtu
është dakorduar njëzëri që t’i caktohet Qeverisë afati deri më 27 maj
që të zbatojë vendimin për dhënien e ndryshimit në paga për muajin janar
e shkurt. Është marrë vendim që më 30 maj të mbahet edhe një takim i
jashtëzakonshëm i Këshillit të Përgjithshëm dhe pastaj të veprohet në
bazë të gjendjes, duke mos përjashtuar edhe hapat radikalë sindikalë,
për të cilat do të vendosin përfaqësuesit sindikalë të të gjitha
niveleve të arsimit të Kosovës. Këto vendime janë përkrahur edhe nga
përfaqësues të Sindikatave të Universitetit të Prishtinës, thuhet në
një njoftim të kësaj organizate sindikale.

» SBASHK-u i jep Qeverisë një muaj afat për pagat
» Ultimatum i SBASHK-ut Qeverisë për mësimdhënësit
» Pagat e punëtorëve të KEK-ut rritën për 50 euro
» Sindikalistët në takim me Thaçin për pagat
» Edhe 48 orë afat për komandantët e veriut