Vetëvendosje kundërshton politikat e qeverisë për mërgimtarët

Lëvizja Vetëvendosje ka kundërshtuar politikat të cilat në
Kosovë po udhëhiqen ndaj diasporës kosovare, duke i quajtur ato
diskriminuese.Përfaqësuesja e kësaj lëvizje, Puhie Demaku,
të shtunën, në një konferencë për media, ka thënë se Qeveria e Kosovës
po i plaçkitë mërgimtarët kosovarë gjatë kthimit në atdhe, duke i
detyruar të paguajnë sigurimin shtesë për automjetet e tyre, me të cilat
ata hyjnë në Kosovë.
“Secili mërgimtar që vjen në Kosovë, paguan dyfish. Së pari në vendin
prej nga vjen dhe më pas ngarkohet me një shumë prej, përafërsisht, 50
euro për një muaj qëndrimi në Kosovë. E dhimbshmja e kësaj është se
Shoqata e Kompanive të Sigurimeve të Kosovës, vendos në mënyrë arbitrare
për çmimet që i ka vendosur”, ka thënë Demaku, raportoi Evropa e Lirë.
Sipas saj, me vendim politik, nga polisa kufitare është liruar çdo veturë me targa të Serbisë dhe Malit të Zi. /Telegrafi/