Facebook dhe Twitter e dinë çka bëjmë online?

Të gjithë ata që bëjnë Like në Facebook, apo “cicërojnë” në
Twitter për miqtë e tyre, duhet të kenë kujdes sepse kjo i tregon
rrjetit tënd social shumë më shumë sesa ju mund të dëshironit. Një
studim i bërë në emër të Wall Street Journal ka gjetur se funksionet
“Like” dhe Tweet” nëpër faqe të caktuara online, e përcjellin
aktivitetin e përdoruesit në internet, edhe kur ato nuk janë duke u
përdorur më.
Madje, një gjë e tillë është pranuar nga Facebook, zyrtarët e së
cilës kanë thënë se këto informacione i nevojiten për reklamuesit.

Ndërsa Twitter ka thënë se historinë e këtyre të dhënave e fshin
shpejtë, edhe pse zëdhënësi i kësaj kompanie ka thënë se “të dhënat edhe
mund të përdoren, për përmirësim të përmbajtjes në të ardhmen”.
Studimi është bërë nga ish-inxhinieri i Google, Brian Kennish,
përkatësisht nga kompania e tij, Disconnect Inc, e cila ka analizuar më
shumë se 1000 faqe.
Nga studimi i Kennish, del se nga 1 mijë faqet e para në Google,
Facebook përcjell më shumë 331, ndërsa Tëitter “ndjek” 200 prej tyre. /
Telegrafi /