Femrat mendojnë se pamja u ka ndihmuar në karrierë

Pamja fizike e femrave, sipas mendimit të tyre, ka më shumë ndikim në
zhvillimin e karrierës se aftësia profesionale, ka zbuluar hulumtimi i
Marie Claire i bërë në më shumë se 3.000 femra të punësuara të moshës
prej 18 deri 55-vjeçare. Më shumë se gjysma e femrave të anketuara
mendon se si paragjykimet gjinore ende ekzistojnë në botën e biznesit,
ndërsa 44 për qind prej tyre kanë thënë se kanë përjetuar komente të
papërshtatshme në llogari të pamjes së tyre në vendin e punës.
Rreth
46 për qind e femrave kanë zbuluar që në punë kanë përjetuar ndonjë
formë të seksizmit, 78 për qind konsiderojnë që pamja e mirë u ka
ndihmuar për t’u avancuar në pozitë, ndërsa 60 për qind prej tyre
mendojnë që femrat mbipeshë janë të diskriminuara në punë. Rreth 60 për
qind e të anketuarave besojnë që kolegët e tyre meshkuj paguhen më mirë
dhe kanë më shumë privilegje në punë, dhe që ata më parë do të fitojnë
avancimin e dëshiruar.
“Rezultatet e këtij hulumtimi janë
shqetësuese, sepse tregojnë se si politikat e biznesit të kompanive nuk e
mbështesin barazinë, dhe madje edhe kur e bëjnë këtë teorikisht, në
praktikë seksizmi është shumë i pranishëm,” konsideron udhëheqësi i
hulumtimeve, Ros Taylor.
Ndikimin më të madh në zhvillimin e
karrierës janë këshillat të cilat i kanë marrë nga kolegët më të vjetër
konsiderojnë ato, ndërsa 58 për qind e tyre më me qejf do të kishin një
femër për shefe se një mashkull. Mentorimi dhe udhëzimet sipas mendimit
të të anketuarave janë vendimtare për të përballuar detyrat e
komplikuara të punës, ndërsa 60 për qind e femrave konsiderojnë që pa to
asnjëherë nuk do të përparonin.

femrat jo thjesht e mendojne po kjo zbatohet nga shumica tani,per te marr nje vend pune qofte dhe si pastruese te paren gje qe shohin esht eleganca e bukuria e nje femre per te perfituar me mbas e te arrijne qellimet e tyre shefat se vec per pune se marrin hahah

hehe e vertet eshte kjo ama kjo varet edhe nga femra se mashkulli qe ka keto synime verehet shuum leht nga ato femra qe kerkojn pun nese e kan mendjen te puna kuptohet