Lauka konfirmon: Me Kosovën nuk ka tarifa doganore

Sipas ministrit të Zhvillimit Ekonomik, Besim Beqaj dhe
ambasadorit të Shqipërisë në Kosovës Islam Laluka Kosova dhe Shqipëria
kanë raporte të shkëlqyera në aspektin e bashkëpunimit ekonomik. Këto
komente i kanë bërë të dy pas takimit që kanë pasur të enjten. Edhe pse
Shqipëri ka nënshkruar një protokoll bashkëpunim me Serbin e jo edhe me
Kosovën në kuadër të marrëveshjesh së CEFTA-s.Ministri Besim
Beqaj tha se bashkëpunimi ekonomik ndërmjet Kosovës dhe Shqipërisë
është duke u rritur me përmirësimin të infrastrukturës rrugore.
Lidhur me atë se disa biznese të Kosovës po ankohen për çmimet e
referencës ku potencohet se Shqipëria po i jep përparësi më shumë
Serbisë se sa Kosovës, ministri Beqaj tha se ato mund të jenë
dezinformata, edhe pse këtë e kanë konfirmuar edhe zhytarët më të lartë
të Qeverisë së Shqipërisë.
“Kosova dhe Shqipëria e kanë rrugën plotësisht të hapur dhe kanë
marrëveshje shumë më shumë se sa me të gjitha shtetet tjera të
bashkëpunimit ekonomik dhe lëvizjes së lirë të njerëzve, mallrave”, tha
Beqaj
Kurse ambasadori i Shqipërisë në Kosovë Islam Lauka e ka vlerësuar
tepër të rëndësishëm bashkëpunimin ekonomik në mes të dyja vendeve
shqiptare. Ai tha se Shqipëria nuk po bën diskriminim ndaj Kosovës për
shkak të nënshkrimit të protokollit të shtetit të Shqipërisë me Serbinë,
pasi nënshkrimi është bërë në kuadër të CEFTA-s. “Është nënshkruar ky
protokoll, pasi me Serbinë kemi pasur tarifa doganore dhe kjo ka qenë
arsyeja që duhet të bënim një protokoll në kuadër të CEFTA-s. Me Kosovën
nuk ka nevojë, sepse nuk ka tarifa doganore”, tha ambasadori Lauka. /Telegrafi/