Suharekasit e pakënaqur me shpronësim, bllokojnë autostradën

Pronarët e tokave nga do të kalojë autostrada “Ibrahim Rugova”,
zotohen se nuk do të lejojnë vazhdimin e punimeve, nëse nuk do të bëhet
rivlerësimi i pronave të tyre. Të enjten, njofton korrespondenti i
Koha.net, 50 prej tyre kanë mbajtur një protestë gjysmë orësh në trasenë
në Suharekë, dhe kanë bërë të ditur se do të radikalizojnë veprimet e
tyre, pasi që janë shprehur të pakënaqur me vlerësimin aktual që i është
bërë pronave të tyre. Ata kanë mohuar se janë kundër autostradës, porse
kanë kërkuar vlerësim real dhe kompensim të pronave të tyre.
Punimet
në autostradën Vërmicë-Merdare janë duke u zhvilluar në katër segmentet
e para nga Varmica e Prizrenit deri në Duhël të Suharekës. Tre
segmentet e para të autostradës deri në Suharekë pritet të lëshohen në
qarkullim në tetor të këtij viti. Ndërsa kryeministri i vendit, Hashim
Thaçi, ka deklaruar se shumë shpejtë do të nisin punimet edhe në
segmentin e pestë, nga Duhla në drejtim të Arllatit.