Allegri nuk ia garanton Cassanos vendin startues

Trajneri i Milanit, Massimiliano Allegri, e ka paralajmëruar
Antonio Cassanon se nuk e ka të garantuar vendin në formacionin bazë,
përkundër paraqitjeve mbresëlënëse këtë sezon.Sulmues
italian iu bashkua Milanit në janar nga Sampdoria dhe luajti një rol të
rëndësishëm në fitimin e Scudettos, duke shënuar katër gola dhe duke
bërë shtatë asiste në 17 ndeshje sa ka luajtur.
Allegri është i kënaqur me formën e 28-vjeçarit, mirëpo thotë se ai
do të duhet të garojë me Alexandre Paton, Robinhon, Zlatan Ibrahimovicin
dhe Filippo Inzaghin për të luajtur në formacionin startues.
“Këtu te Milani kemi shumë yje dhe ka shumë konkurrencë, prandaj
ekziston mundësia që të mos luajë”, ka deklaruar Allegri për AFP, ndërsa
të njëjtën gjë e ka kërkuar edhe nga Pato, që të ketë vazhdimësi në
lojën e tij. /Telegrafi/