Benlyst – ilaç i ri kundër lupusit

Agjencia mjekësore evropiane ka dhënë dritë të gjelbër për ilaçin e ri
kundër lupusit sistemor, sëmundjes autoimune e cila nxit krijimin e
antitrupave të dëmshme dhe kështu organizmi, e thënë thjesht, dëmton
vetveten. Lupus mund të prekë cilindo organ, prandaj simptomat janë
shumë të ndryshme nga skuqjet e deri tek artriti. Agjencitë botërore
përcjellin që ilaçi i ri Benlyst është produkt i përbashkët i
GlaxoSmithKline dhe Human Genome Sciences të cilat pohojnë që ilaçi në
mënyrë të konsiderueshme është shumë më efikas nga ato që ishin deri
tani.
Merret me infuzion një herë në muaj, ndërsa në tregun evropian
pritet vitin e ardhshëm. Nga lupusi në botë vuajnë pesë milionë njerëz,
ndërsa analistët parashikojnë përfitime shumëmilionëshe. Vlerësohet që
terapia njëvjeçare do të kushtojë rreth njëzet mijë euro për pacient.