Samiti Rusi-BE, diskutohet ndalimi i importit të perimeve

Ndalimi i importeve të perimeve të Bashkimit Evropian nga ana e
Rusisë pritet të jetë në qendër të diskutimeve në samitin mes Rusisë
dhe Bashkimit Evropian që po mbahet në qytetin Nizhny Novgorod.Javën
e kaluar Rusia ndaloi importimin e perimeve të freskëta nga 27 vendet
anëtare si reagim ndaj shpërthimit vdekjeprurës të E. Colit, e cila
fajësohet për vdekjen e 27 njerëzve, kryesisht në Gjermani.
BE ka kundërshtuar ndalesën, për të cilën zyrtarët thonë se nuk ka
bazë shkencore dhe se mund të bie ndesh me rregullat e Organizatës
Botërore të Tregtisë, të cilës Rusia po kërkon t’i bashkohet.
Samiti dy ditor i bënë bashkë presidentin rus Dimitirj Mevdedev,
presidentin e Komisionit Evropian, Hose Manuel Barroso dhe presidentin e
BE-së, Herman von Rompej.
Në anën tjetër, trangujt janë kthyer në radar të autoriteteve
gjermane si shkaktarë të mundshëm të shpërthimit bakterial E.Coli në
Evropë. Shpërthimi bakterial la të vdekur 26 persona dhe infektoi më
shumë se 2700 të tjerë.
Dy javë më herët trangujt nga Spanja u fajësuan për shpërthimin vdekjeprurës për t’u përjashtuar më pas si burim infektimi.
Më vonë fokusi lëvizi në bishtajat nga Gjermania Veriore, por asnjë
test nuk provoi që ato të jenë të kontaminuara me bakterin e cila
shkaktoi shpërthimin.
Tani, sipas agjencisë Associated Press, dyshimet kanë rënë mbi një
trangull, origjina e vendit të prodhimit të të cilit nuk dihet, i cili
ka sëmurë një familje në Gjermaninë Lindore. /Telegrafi/