Shqyrtohet ideja për mbylljen e ICO-së

Përmbushja e pjesës më të madhe të Pakos së Ahtisaarit ka sjellë
reduktimin e numrit të personelit në Zyrën Civile Ndërkombëtare (ICO)
gjatë këtij viti, ndërkohë që udhëzimet e mëtutjeshme të Grupit Drejtues
Ndërkombëtar (GDN) do të jenë vendimtare për përmbylljen e mbikëqyrjes
ndërkombëtare të pavarësisë së Kosovës.Tkurrja e pranisë së
ICO-s, sipas burimeve ndërkombëtare të Kohës Ditore, është pjesë e
strategjisë për mbylljen e kësaj organizate, veprim ky që mund të
korrespondojë me katërvjetorin e pavarësisë së Kosovës.
Sipas gazetës në takimin e radhës të GND-së, që do të mbahet në
korrik të këtij viti, mund të sillet vendimit që ICO-ja të mbyllet në
shkurt të vitit 2012.
Zëdhënësi i ICO-s, Andy McGuffie ka pohuar se nuk mund të përcaktohet
fundi i pavarësisë së mbikëqyrur meqë ende ka dispozita të rëndësishme
të Pakos së Ahtisaarit që duhen përmbushur, dhe se këtë vlerësim mund ta
bëjë vetëm GND-ja. /Telegrafi/