FSK-ja mëson nga Ushtria Shqiptare

Ministri Agim Çeku, zëvendësministri Shemsi Veseli dhe
zëvendëskomandanti i Forcës së Sigurisë së Kosovës (FSK), gjeneralmajor
Rrahman Rama, pritën të premten në Prishtinë një delegacion të larte
ushtarak të Komandës së Doktrinës dhe Stërvitjes (KDS) së Ushtrisë së
Republikës së Shqipërisë të prirë nga gjeneral brigade Agim Lala.Në
takim u vlerësua bashkëpunimi i deritanishëm i në mes të dy
institucioneve, si edhe nga ana e ministrit Çeku u vlerësua angazhimi i
KDS, i oficereve dhe stafit akademik të saj, në shkollimin e kuadrove të
FSK-së.
Nga ana e tij, gjeneral Lala e vlerësoi lartë bashkëpunimin e
ndërsjellë, si edhe shkëmbimin e përvojave. Ai u shpreh i entuziazmuar
me punën e stafit të lartë të FSK-së, sidomos me angazhimin në
zhvillimin e Komandës së Doktrinës dhe Stërvitjes (KDS) të FSK-së.
Delegacioni i lartë ushtarak nga Shqipëria zhvilloi një vizitë edhe
në Komandën e Forcave Tokësore (KFT) të FSK-së, si edhe në Qendrën e
Studimeve Universitare të KDS-së së Forcës së Sigurisë së Kosovës. /Telegrafi/