“Inati” e ndalë Tadicin në Beograd

Presidenti i Serbisë do të ketë një sfidë tjetër për të marrë
pjesë ose jo në një organizim shtetëror të një shteti tjetër, pas
Polonisë dhe Italisë, ku për shkak të pjesëmarrjes së presidentes
Atifete Jahjaga, ai refuzoi të dyja vendet.Më 25 qershor,
një shtet fqinj i Serbisë, Kroacia shënon 20 vjetorin e themelimit të
shtetit. Presidenti i Kroacisë, Ivica Josipovic ka bërë plan të ftojë
shumë presidentë, e nëse e bënë këtë do ta ftojë edhe Boris Tadicin. Ai
ka thënë për mediet kroate se nëse i fton të gjithë presidentët e
rajonit, do ta ftojë edhe Boris Tadicin.
“Nëse i ftojmë presidentët e të gjitha shteteve të rajonit... do ta
ftojmë edhe presidentin e Serbisë Tadiq në festimin e shtetësisë së
Kroacisë”, ka thënë Josipovic, raporton Koha.
Së shpejti edhe Sllovenia do të shënojë 20 vjetorin e shtetësisë,
kurse presidenti Danilo Turk ka thënë se në mesin e të ftuarve do të
jenë edhe përfaqësuesit e shteteve të rajonit, por ka gjasa të mëdha që
Tadici të mos shkojë as në Lubjanë, sikundër që është pothuajse e sigurt
se nuk do të jetë i pranishëm as në Zagreb. /Telegrafi/