Thatanike me çdo çmim

Mamoreksia është shprehja e re për femrat të cilat me dëshpërim mundohen që të mbesin vitale gjatë tërë nëntë muajve të shtatzënisë, ose qysh në javët e para pas lindjes, e kthejnë formën e trupit që e kanë pasur para se të mbesin shtatzënë. Dhe në botën e bukurosheve të famshme, janë shumë emra të cilave shtatzënia nuk ka arritur t’ua rrënojë vijën e trupit.

Heidi Klum

Supermodelja gjermane deri tani ka lindur katër fëmijë, por në trupin e saj nuk mund të gjesh asnjë gjurmë të vetme të shtatzënisë, pasi vazhdimisht është vitale gjatë dhe pas shtatzënisë. Ajo vetëm disa javë pas lindjes, i është kthyer pa problem modelimit.

Victoria Beckham

Edhe Victoria Beckham është njëra prej atyre që pëson ndryshime në trupin e saj gjatë dhe pas shtatzënisë. Ajo deri më tani ka lindur tre herë dhe tani është shtatzënë me fëmijën e katërt dhe ajo pa problem vesh rroba të ngushta, sikur të mos kishte ndodhur asnjë ndryshim në trupin e saj.

Miranda Kerr

Për supermodelen Miranda Kerr, sivjet ishte lindja e saj e parë dhe gjatë tërë shtatzënisë, ajo është dukur për mrekulli. Dhe të gjithë kishin mbetur të shtangur kur vetëm dy javë pas lindjes, ajo është paraqitur në pistat e modës për të prezantuar koleksionet e reja të kostumeve të larjes, duke u dukur shkëlqyeshëm.

Angelina Jolie

Aktorja seksi tashmë ka lindur tre fëmijë dhe prapë mund të matet me bukuroshe shumë më të reja në moshë, sa i përket vijave të trupit. Ajo është një dëshmi e gjallë se me ushtrime të përshtatshme dhe ushqim të duhur, mund të mbahet vija e trupit edhe gjatë kohës kur shtatzënia ndryshon trupin e çdo femre.