Internet Explorer 8 rritë pjesëmarrjen

Analistët e tregjeve kanë publikuar të dhënat tradicionale mujore mbi pjesëmarrjen në tregun e shfletuesve të internetit. Siç supozohet, fituesi më i madh del të jetë shfletuesi i kompanisë Microsoft - Internet Explorer 8.



Shikuar në përgjithësi, kompania Net Applications raporton se rritje të pjesëmarrjes ka shënuar edhe Google Chrome, dhe atë në llogari të shfletuesve Internet Explorer e Mozilla Firefox. Ky shfletues gjatë majit ka arritur të bëj për vete edhe 0.32 për qind pjesëmarrje shtesë, dhe tani ka 7.05 për qind.



Megjithatë, nëse shikohen ndaras, fituesi më i madh gjatë majit është Internet Explorer 8 i cili tani mbanë pjesëmarrje prej 31 për qind. Të gjitha versionet e Internet Explorer aktualisht kanë 59,69 për qind, në vendin e dytë është vendosur Firefox me pjesëmarrje prej 24.35 për qind, derisa në Chrome në të tretin me 7.05 për qind.