Kocijancic: Kosova dhe Serbia afër disa marrëveshjeve

Kosova dhe Serbia janë afër zgjidhjes së disa çështjeve në negociatat, që po zhvillohen me ndërmjetësimin e Bashkimit Evropian, kanë thënë të hënën zyrtarë të Bashkimit Evropian.

Bashkimi Evropian pret që rundi i ardhshëm i dialogut të mbahet në fund të qershorit, por data ende nuk është përcaktuar, tha Maja Kocijancic, zëdhënëse e BE-së në Bruksel.

“Ne jemi afër marrëveshjes në disa çështje dhe ne dëshirojmë të shohim marrëveshjet e para konkrete në rundin e ardhshëm”, i tha Kocijancic, agjencisë DPA, transmeton Rel. /Telegrafi/