Tadic: Edhe Evropa, edhe Kosova

Presidenti i Serbisë, Boris Tadic ka deklaruar mbrëmë në Berlin se Beogradi pret statusin e kandidatit për anëtarësim në BE, por se nuk do të ndryshojë qëndrimin për mosnjohjen e Kosovës.

“Zgjidhja e çështjes së Kosovës është tepër e rëndësishme për të dy popujt, edhe serbët edhe shqiptarët, që të bëhet loja politike e kushtëzimit me anëtarësim në BE”, ka thënë Tadic gjatë një ligjërate për rolin e Serbisë në pajtimin rajonal të mbajtur në fondacionin Fridrih Ebert.

Pas ligjëratës, në pyetjen nëse Serbia me bojkotimin e konferencave rajonale, në të cilat Kosova merr pjesë si shtet i pavarur, rrezikon procesin e pajtimit për të cilin angazhohet deklarativisht, Tadic përgjigjet: “Ne në dialogun me Prishtinën përpiqemi që të gjejmë zgjidhje, ndërsa kemi njohuri të mjaftueshme se pala tjetër në dialog, në kërkim të zgjidhjes, njëkohësisht synon të nxjerrë që Serbia në mënyrë implicite të njohë pavarësinë e Kosovës. Pra, nuk bëhet fjalë për lojën politike, se a njihet në mënyrë implicite ose jo pavarësia e Kosovës, por këtu bëhet fjalë për atë që të gjendet zgjidhja e cila është e qëndrueshme”, ka thënë Tadic, transmeton Qik. /Telegrafi/