FSK merr pjesë në një trajnim ndërkombëtar

Dhjetë pjesëtarë të Forcës së Sigurisë së Kosovës të premten u nisën për në Krivolak të Maqedonisë, ku do të marrin pjesë në një kamp veror bashkë me disa shtete tjera.

Ministri i Forcës së Sigurisë së Kosovës, Agim Çeku, tha se ata do të tregojnë nivelin dhe aftësitë që kanë dhe do t’ia ndrisin fytyrën Kosovës.

Ai tha se kjo është hera e parë që FSK merr pjesë në një trajnim ndërkombëtar, pasi që përveç nikoqirit të këtij kampi, Maqedonisë, janë të ftuar edhe Shqipëria, Kroacia, Greqi, Serbia, Turqia, SHBA, Sllovenia e vende tjera. /Telegrafi/